تقدير وعرفان ومحبه بشخص الأمير عبد العزيز بن سعود بن محمد آل سعود (( السامر )) كانت هذه القصيدة :

غـنـت لـك قـلـوب تـحـبـك وتـغـلـيـك  =قبل القلم يكتب حروف القصيدة  


حـبـبـتـنــا يا سـيـّد المرجــلــة فيــك  =ومن حبه الله ميزه في عبيده  


الطـيــب قـبــّل قبل راســـك أيـاديــك=  كـنـك ابـوه وملـتجاه ورصيده  


قصرك ملاذ اللي من الجـور ناصيك=  تخـيـّره بـين القـصور العديدة  


يا قـصــر راع الاولـه عـاش راعيـك  =منصى الرجال مهونين الشديده  


قـصـر لأبـو راشـد معــيـث المهـاليك=  من يارده صدر ونفسه سعيدة  


شمس البخل محجوبةٍ عن ضواحيك  =مادام باقي من عيــاله شــريدة  


ياعـل مثـل راشــد مثـل بـرّك يجازيك= فأبـوك مثـل سعـود يلقى حفيده  


من طـيـب راسـك طابو اللي حواليك  =علمتهم معنى الخصال الحميدة  


يا شاعـر آل سعـود محـدٍ مضـاهـيك = والشعـر ما زادك لا والله تزيده  


غير الشعـر رب المخاليق معــطـيـك = نفسٍ من الدنيا وهلــهــا زهيدة  


كـن المـكــارم نـاس فـزت لـطـاريـك=  جت لك تبايع لك بديدة .. بديدة  


( عبدٍ ) لربك وأنت ( عزٍ ) لناخـيك = عبد العزيز إسمك لحاله قصيدة