أنا هواي ورغبتي شوفة الخيل= لا شفتها أذكر ماضيٍ يرفع الراس


عندي منازلها ورا الجدي وسهيل=جواهرٍ فوق الجواهر كما الماس


كم فارسٍ من فوقها عدل الميل=بالسيف هو والدرع والرمح والطاس


خيلٍ تدفق في المعارك كما السيل=يسبق مزاعج ركضها زعج الأنفاس


إلى أدبرت ما لحقها صامد الحيل= وإن أقبلت تنشف بها أرياق يباس


ماهي بتنشد عن نهارٍ ولا ليل=ويوم اللزز يعرف عن الركض والساس


عند النهار اللي به الحط والشيل=يوم السبق تهدي على المالك الكاس