راحت حياتي بين ميس وراجي=مع مهرةٍ ما شد كفي رسنها


أقضب لها يا أهل الخليج المحاجي=وتروح ما حصلت أنا شيء منها


واليوم أدور من هواها خراجي=ومنها السلامة بالهوى من ضمنها


الجيد والعاتق وطلق الحجاجي= أموت فيها موت وأصد عنها


نورٍ خذا به مايس القد تاجي=أجهر عيوني لو جماله فتنها


يلعج بشوفي مثل نور السراجي=نور الجبين ونور صافي وجنها


من جارحٍ قلبي رجيت العلاجي= محبةٍ روحي وحالي ثمنها


ابشارة النو الصدوق العجاجي= ومزنة حبيبي روض قلبي وطنها