يا مملكة قلبي وروحي ونجواي=والهاجس اللي يبعد الناس وأدناك


عليك أهز الرأس وأعضض شفاي=وإن غبت عني في خفا قلبي ألقاك


وأصافح دروب الغلا وأسبق خطاي= أسابق شفوفي على كل ما أرضاك


أمد لك في غفوة النوم يمناي= وإن قمت أحلي طعم ريقي بطرياك


عطشان في حبك مواريد مظماي=أظما على شان أني آرد على ماك


يا شمس صبح الحب يا نور دنياي= في ليل عمري يا قمر شع مسراك


يا فرحة أيامي ويا عيدها الجاي= قبل أعرفك كنت أتخيل حلاياك


أشوفك أسرار تجول بخفاياي=ما تامرك حبٍ ولا قلت : تنهاك