عـــــزاه يـــــا قلـــــــبٍ جروحه تجدّد=ما باقي إلاّ واحدٍ من عروقه


جـــــروح لا تحصـــــــى ولا تنتعدّد=أصغرهن اللي عن نويّه يعوقه


جيـــــــت الخبــير وفي علاجه تردّد=يقول طبّه كان زانت وفوقه


القلــــب بســــــــهوم المودّة مهدّد=ما ظن يبرى لين يأخذ حقوقه


من واحــــــدٍ عن كل زول ايتصدد=مخالفٍ ذوق المخاليق ذوقه


بيدينه الثنتيـــــــــن قـــــام وتشدد=في قلبي اللي منه زادت فتوته


ليــــــت المواصـــــل له نهارٍ محدّد= الروح في نار الغرام امحروقه


يـــــا الله بحــــــبال الرجا اللي تمدّد=تلم شمل أهل القلوب الشفوقه


يــــا ليـــــت يـــــــومٍ به عرفته تلدّد=يرتاح قلبٍ زود الحمل فوقه


كـــــن الضــــــــماير بالشطيرة تقدّد= من لا مني ما ذقت جعله يذوقه


صـــــارت دروب الوصل دونه تسدّد=متى سحاب الوسم تبرق بروقه


مـــــا غـــــير افكّــــــر به وأفكري تبدّد= ما دام رأسي حي والله ما أبوقه


أخــــاف مـــن هــــرجة غشيمٍ مــــردّد= بإعراض خلق الله وساعٍ أشدوقه


يجـــــيك جــــــــيّات الرفـــــــيق ايتودد= ذنبه يقوده والقرادة تسوقه