مثل السما أبعد عن يدي ويصافحك كفْ العيون= أمدْ عيني للسلام يمنا حنانك مدّها


أستعصم ببعد المدى والشوف مرسولٍ يمون=ونظرات عيني في سما باهي جمالك شدّها


أشدْ وانزْل والركايب في مدى حبك ظنون=تتلني لك بالهوى ولا نجحت بصدّها


جرحٍ يزيد بشوفتك من فتنتي بك يا فتون=وجرحٍ يزيد بغيبتك هذي جروحك عِدّها


جرحٍ يهون بخاطري وإلاّ فجرحٍ ما يهون=وجرحين من وصل وجفا وسابع جروحك مجدها


عطني أمل .. كلك رجا .. إن اليتامى يفرحون= افتح لي ابواب الغلا وإلاّ تفضّل ردّها


في شارع الحزن الطويل أقف مع اللَّي ياقفون=وأحب من عذرا الهموم اللَّي تجيبك خدّها


صب السما نور القمر في عين وجدان مغبون=والنفس ما تحيا وهي محرومةٍ من ودّها