قريت مردود السلام .. قدّام أسلَّم واسألك=قريت حبٍ ما يهون .. وخيول شوقٍ مسرجه


على النحر خصلة ظلام ليلك تركها تشغلك=وعلى بحر نجل العيون .. حبي على النون انسجه


ما يستحي فيك الغرام .. سبحان ربٍ كمّلك=للورد بالشفه غصون .. واللَّي ورا الورد فلجه


أبعدت عني يا حرام .. ياحظ يالغالي هلك=اللَّي على شوفك تمون من شاف حسنك يبهجه


أنا العليل المستهام .. الشعب أنا وأنت الملك= ارحم عيونٍ يسهرون ارسم طريقي وانهجه


علّمتني معنى الكلام .. ما قلت لي قد قلت لك=قريت في وجهك ظنون لا ضاق صدري تفرجه