آهات من طول العنا طاولتني=ونفسي من الفرقا وحالي صخيفة


جارت عليّ من الفراق وقصتني= غزَتْ ولكن مانوَتْ بالنكيفه


بهمومها اللَّي شفت منها كوتني=هذا الذي خلّي حياتي مخيفة


باكر يروعني وأنا فيه فتْنِيْ= أقول ليت الغيب يبخل بحيفه


خيل السعادة بالهوى خالفتني=وخالفت معها عيد قلبي وريفه


هبَّتْ هبوبٍ بالنيا عطّشتْنِي= وكم غاليٍ قبلي ظما من وليفه


ليت اللّيالي عن غرامي نهتني=ولا بدا زرع الأمل منك هيفه


وإلاّ أنّها في غايتي خيَّر تنِيْ= وأختار أنا مرباع قلبي وصيفه


خـــلٍ جيوشه بالمحبة غزتني=وانا أسيرٍ للعيون العفيفه


أغلى هجوسٍ طــــول الأيام جتني=هاك الهجوس اللَّي تجيني بطيفه


الماضيات بغيبها مــــا أنصفتني= والمقبلات أرجي عدَلْها خليفه


أتبع ظنونٍ بالهوى مــــا شفتني=أحسب حمولي بالمحبّةْ خفيفه


والــيــــــوم ظالمة المحبة طوتني=طي الورق يوم انطوى به خريفه


وأشباح يأسي بالهموم اعترتني=وأنا عليّ أسباب صدَّكْ كليفه


أشيل حتفــــي راضٍيٍ فـــوق متني=وأروح نفسي من حياتي معيفه


وأقـــــول للَّــــــي بالجفـــــا عذبتني= عسى الشقا من بيننا بالنصيفة


شربت مـــن فيض الشقا وأشبعتني= دنياً مع الأحزان ضدَّي حليفه