مافي يدك ورْدَةْ ولا دمّ معلوق=لمست خدَّكْ يا حبيبي وعاداك


وما شفت أنا روضٍ فرق فيه زملوق=إلاّ لقيته ينثني كنَّهْ إيّاك


وليلٍ تكاشف به على جيدك بروق=ضاح الغلا لي وابتسم به محيّاك


أناظرك مثل القمر طالعٍ فوق= لا غبت أشوفك مشرقٍ لي بالأفلاك


سولف سواليفك تجي كلّها ذوق= ورد الشعر يوم انتثر فوقٍ يمناك


سحر الهوى في ناظرك ساقني سوق= وأكبر دليل إنَّي تولَّعت برضاك


والله ما مثلك من الخلق مخلوق= سبحان من كمَّلكْ بالحسن وأغلاك


خلاّك تهدي لي من عيونك الشوق=وتصدّني عن شوف هذا وهذاك