صبرٍ على مر الليالي والأيام=اللي بدت بالحيف من كل غالي

متى على الله ينفرج ضيق الأيام=ويزين وضع مغربلات الليالي


أما تحقق لي كبيرات الأحلام=وإلا شربت المر في كاس حالي


تطويني الأيام عامٍ ورا عام=في شمسها ما أرهت علي الظلالي


مرٍ جنوب ومر في غربتي شام=وتضحك بي أيام الدهر ضحك غالي


أمسح بكفي دمعة عيون الأيتام=ما بين حقٍ لي وحقٍ غدالي


ما عشعشت في هامتي سود الأوهام=همي على العليا وكسب المعالي


من طاح في غبات الأوهام ما قام= وهمه من أحداث الزمان امتوالي


على المعزة كل بخمسك من السام=سمٍ حرام وسم زادٍ حلالي


وأحرم من الميقات وألبس لك إحرام=الوالي الله من على كل والي


كم واحدٍ يظهر سنا الصبح ما نام= ايقالب الحيلات غرب وشمالي