الورد خلّه بالغصون الوريقه= لا تقطع اللَّي وصفها وجنتينك


وردٍ شذا عطره يعطَّر طريقه= يوم أسقته قبل أمس لمسة يدينك


وردك حياتي كلَّها في رحيقه= والورد زينة جمعته في يمينك


بين الورود وبين خدّك حقيقه=يشوفها اللَّي شاف بالعين زينك


لين التوى في ناظر العين ضيقه=لمحت به عين الرضا في جبينك


عيني على شوفك وقربك شفيقه=متى على الله تهدي الوصل عينك


البعد يا مغلي حياتي ما أطيقه= الله على غالي ثمنها يعينك