صحيح مالي من محبتك مصلوح=أدري ولكن همْتْ وأشقيت حالي


يا فاقد الإحساس مجروح مجروح= وشلون في لحظه تحطَّمْ خيالي


سميت رفقتنا صداقات ومزوح=وبيّنت هجرك كل ماجا مجالي


ظنيتها عشرة من الروح للروح=ولا هقيت إنَّكْ تخيًّرْ بدالي


مانيب لك جسرٍ تخطاه وتروح=وما أرضى تهين النفس لو كنت غالي


وبيني وبين اللَّي تسلّى بهم شوح=والعاذل اللَّي حاكيٍ لك حكى لي


طــوّ الرحال وشدّ وأقول مسموح= قلبٍ طلبك أوَّلْ بيرفضك تالي


إلاّ إن رضيت تعود للعقل وتبوح=ولي تعترف بأنَّكْ بي تصير عالي