يوم الوطن تاجٍ على هامة الدار= من كـــــف أبو تركي على كل هامه


أمتوج به عقب ماداس الأخطار= بقـصر الحكم والكوت هو والرغامه


عبد العزيز مجددٍ عهد الأبرار= شـــيـــخٍ ورث حكمٍ وعـــــلاً مقامه


خلاه مجدٍ من قرافيه يحتار= من عــــقب ليلٍ حــــالكٍ بــه ظلامه


واليوم ضاحت  في ضواحيه الأنوار=والشــــــــرع شيد بالجزيرة خيامه


جزيرةٍ راحت لنا ريف وأنهار=عــــــدل ٍ وأمان مع سلام وسلامه


في عهد شيخ ٍ له بالأمجاد تذكار= فهـــد السيـــاسة والحكم والكرامه


حامي حمى البيتين من كل الأشرار=حكـــــــم الهدا والدين جود زمامه


فهد .. فهد .. غيثٍ سقا كل الأقطار=مــــــزنٍ من الوسمي تراكم غمامه


فهد .. فهد .. لا صار بالوقت ماصار= تـــرى الحظيظ اللي فهـــدنا حزامه


فهد الوفا اللي بالوفا حصل الكار=من طيب راس الشيخ ساقه غرامه


ساقه غرامه يوم كملن الأشوار= أمسلمٍ مجـــــــــد الــــوفا بستلامه