مريثه في والدي صاحب السمو الأمير محمد بن سعود الكبير

يوم الخميس أوقد بصدري لـــواهــيب=وكـــن الحــشـــا يصلى بحـــام الملايل


الله يـــــرحم ســــيد العــقـــل والطــيب=شـــقـران ســتـر مـعــكرشــات الجدايل


شيخ الـــمواقــف والــــوفا والمواجيب= لا غلي سعـر أهـــــل الفعــل والصمايل


في ســـاعةٍ مـــن ولبها يسبع الــــذيب= رجد الخـــيـــول وحس قــصف الفتايل


إلى عطـــو عـــن حومة الموت تجنيب=  يـارد علـــــى حــــوض الـــمنايا بوايل


فــــي كـــــــل مجدٍ ضاربٍ له مقاضيب= فـــي جــــو نـقــــعه له شهـــود ودلايل


مــتــــــــوقــفٍ سعـــود لــه بالمجاذيب=وعبد العزيز الخال واف الحصـــــايل


تــخـــاطــمــــــوه شيوخ نجد الغواليب=كـسابة النامـــــوس فـي كـــل طـــايل


معـــــتــــــق رقــــابٍ للمنايا محاضيب=بــــالجاه والــتــبـر الحـمر والأصايل


حامي عقاب الــــقـــود شيب المحاقيب= فــج النحـــور مــعــبساـت الشــمايلa


لا جـــا نــهــارٍ فــيـه الأنفس محاطيب=وتشربكت مـــا بـيــن عـــد لٍ ومـايل


فـــهولها مــــا فـــيـــه شـــكٍ ولا ريب=بــــالطـيب وإلا بالــــرهــاف السلايل


أجزم من الضر غام وأقطع من الشيب= لا قــــيل وين أهــــل الــوفا والفعايل


جـــــدي إلـــى جــات الأصايل جناديب= يثني ويسـطي بـــالسيــوف الصقايل


مـــلاذ مـــــن لاله عـــضود ومعازيب= لا شاف من جور الــزمان الهـــوايل


يـرفع مقامه فـــوق روؤس المراقيب=ويخلصه مــــن محكــمات الحـــبايل


بـــــالحلم ما قــد خبر مثله ولا حبيب=وبــــالعــقــــل ربي نـــفله بـــالنفايل


في يــوم تبيـيض الصحف بالمكاتيب= الله يــبـيض صفـــحـــته بـــالفضايل


نـجــاة مــــن صـــكت عليه الكلاليب=  وصكوا عليه أهل القـــلوب الغلايل


يـــوم الــــرجال يـدورون المكاسيب= مكــــــاسبه رد الـــثـــنا والجــمايل


أبـــو اليـــــتاما بـالسنين المعاضيب= ندا يـــــمـــيــــــنه للعطــاشا بـلايل


إرث رجــــالٍ حــــدهـم باللقاء هيب= لطامةٍٍ للـــي علـى الحـــــق عــايل


أفـــخـــــر بهم فخرٍ نـقي من العيب=خوالي أكــــــرام الفــعل والسبايل


مات بخميس العود ريف المراكيب=واللي بعـد به مـــا تعوض البدايل


الخــــــال عبد الله حصان الأطاليب=الله يــرحـــم محـــــتمين الــدبايل


يــــا الله يا المطلوب يا عالم الغيب=عساهـــــم بجــنات ظـــل وظلايل