من كادنا في دين الاسلام ما كاد= معروف وإلا طول الأيام مجهول


الله نصر فهد العرب فخر الأمجاد=نصر ٍ من الخلاق للدين مامول


ربٍ رفع سبع ٍ بلا سمك وعماد=ومنجي نبي ٍ في حشا الحوت منقول


فضح جرايمهم على روس الأشهاد=وكشف خفاها بين سائل ومسئول


جرايم ٍ ما يكشف احداثها ارصاد= مدفونةٍ دفن ٍ على الكيد مفتول


لكن بفضل اللي له الخلق عباد= وفق حكومتنا قبل داير الحول


وفق ملوك العدل في شعب وبلاد=وجاب الأمن روس الجريمه على طول


منكر حدود الشرع والملح والزاد=مفسد وأثر له على ناقص عقول


قصده يدمر دين بالمعتقد ساد=موقد فتيل الشر في دار ما هول


قصده يحاول هزة شموخ الأوتاد=وتدمير دار الدين ما هوب معقول


روس الكفر والشرك في أمة الضاد=باب الخطا منهم على الدين مقفول


من شذ وإلا عن طريق الهُدى حاد=ما عندنا إلا له شبا حد مصقول