بهجة الدنيا  وزخرفها    يزول=إفهموا يـاهل الـداريه والـعقول


وحيلة المضطر  للأمر   الأمـّر = منتهاهـا كـان تقصر أو تطـول


وغير وجه الرب فاليوم العظيم =ما تواجه غير طيبــة الـفـعـول


اغنموا فرصات بهجات  الـعمر=قبــل يــومٍ مـا تـخـير بالحلـول


 ولا تحسّف وأنت لك فعل ٍجميل = يقبـله رب المـــلا يـوم الــقبول     


لا تناظر غير وجـه   الله    ولا=تنقفل في بـاب بهجتك الـقفول


الحظيظ اللي على   مر الزمـان= بـين حظـه والـمعزه مـا يحول


وغايته يكظم بها كظم   الجمـال=وينتبه عـن قولة الواشي يقـول


ينتبه  لورود   وقته  والـصدور =والـربيع اللي تقـفـــاه الــمحول  


ويدري ان الله ضمن ثنتين دوم = الحيا والمــوت حولٍ بعد حـول


والليـالي بين نقص  وبين  زود = والغنيــمـــة والـغنـايم بـالفلــول


ومـا تهمه عدوة   السبع  جهـرا=وبـتوقع عـدوة السبـع الــخــتول


وما يطاول راعي الحق المصيـب=وبالـمهامل يثني عقــال الـذلـول  


وكل ما بين العرب سمع الجدال =ما يجاري في ردا العقـل الخبـول


ولو تقوم بوجهه أحداث الزمـان=مــا تهــزه وقــعــة أيـامٍ تهـــول 


والعدو اللي لبس ثوب الصـديق =مــا درى انه من نزول ٍ في نزول


من ربا في دار مـا يرعى غلاه =في حـمـانا لا يصـول ولا يجول


عام الاول شافو الناس العجب=عقب ما سيطر على الخلق الذهول  


والعميل اللي مـعك وإلا عـليك =يسبر الغره على حـسب الميــول


يسبر الغرات في حـالٍ وحـال= مخلف ٍ كـل الـطرايق والـوصول 


دارنا بالشرع ودروس الضحى=شرعـت كـل الـمناهج والـفصول