أسمع رسول أشواق قلبي يناديك=وترقص أماني نشوتي لأجل أشوفك

وآخذ من ظروف الرخا وقت وأعطيك=عسى الأمان يبدد شكوك خوفك

تَغَلّ ياسيد الغنادير وأغليك= وأجيب لك عمر الهناء في كفوفك

يجوز لي يازين منَّك تغليّك= وأفهم وأقدَّر يا حبيبي ظروفك

واحذر حكي عذالة الحب يغويك=عساك تصحى للحكي ما يطوفك

أنا على قربك شفوق ٍ وبرجيك=رجوىً أملها بالوصال معروفك

يا روح روحي بالغلا كلّه أعنيك=الله يجلى بالهوى عن كسوفك

مانيب والله طول الأيام ناسيك=حلفٍ عليّ ما أنسى دقايق وصوفك