عذب رعاك الله يا سمح الإقبال=ربي على كف الغلا لك وضعني

إن رحت بثياب الجفا البيض تختال=رحب الفضا اللّي واسع ما وسعني

غريب حب وشفت أنا منك الأهوال=هّم ينّزلني وهّم رفعني

بعدك يضر الحال ويضيق البال= وقربك أبد طول الدهر ما نفعني

أتبعك راحل يا حبيبي ونزّال= حبٍ يريضني وحب دفعني

معك أنت درب الصبر يا صاحبي طال=حظ يقربني وحظٍ منعني

راح العمر بين التصدَّد والإقبال= ومدري وش اللّي يا هوى البال تعني!

طِب لي تطيب الحال يا طَّب الفال=والا تكرّم حب غيري ودعني

أما استدار الوقت من حال لي حالّ=والا شريتك كل ما قلت بعني

أسقيت من مر الصبر زهر الآمال=والحظ بك يا صاحبي ما جمعني

وقفتني في حد شمس ٍ من إظلال=عصيتني قبل أمس وتقول طعني

ما والله أسمع شور ناصح وعذال=وأنا إن شكيت الحب ما أحدٍ سمعني