وسع الخاطر .. وخلّه يستريح=وخل عينك.. يا بعد عمري تنام

السهر يثر عليها يا مليح=والزعل.. سم المحبة والغرام

خل همك عنك يا الغالي يطيح=استرح.. واسمع مضامين الكلام

ما نسب عني..ترى ما هو صحيح=لا تصدق.. واجد عيال الحرام

أو على ما قيل بالهرج الفصيح=يوم شافونا على أحسن ما يرام

ولعوها.. بعود راك وعود شيح=لكن النار.. أصبحت برد وسلام

أجرحوا قلبك .. وأنا قلبي جريح=من روح فيك يا بدر التمام

صيحوا عينك .. وأنا عيني تصيح=من صياحك.. والصراحة ما تلام

لو تطير من القهر ببساط ريح=ما عليك.. ولا على مثلي ملام