يا حــاكـــم بالعـدالـة طــول الأيــامي=ما غيرك أحدٍ يحط الشعب في عينه

يا مقوم بالشـريعة حكــم الأحكــــامي=حكم بلا عدل ما ترجح موازينه

تصدر مراسيم حكمك بامرك السامي=من مصدر الشرع رايك قاضبٍ دينه

محبة النـاس لك يا مــــروي الظامي=سولف بها المجد بين العالم وبينه

يا نصرة الدين والمسـلم والإسـلامي=الملك والعدل في عهدك عناوينه

حـكـم وعـدل بشــوفه يـبـصـر العـــامي=في مملكة ملكك الغالي ميادينه

يا غيث روض ٍ فيـاضه تـنـبـت أيتــامي= لك بالدعا كل مسلم يرفع يدينه

حامي حمى الدار واللي من ورا الحامي=حكمك على سنة محمد مضامينه

حقايق الحكم مــا هي مثــل الأحـــلامي= التوسعة في بيوت الله براهينه

ان وقـف الشـاب فـنت لشعـبك حـزامي=على خطا المجد باللي يلزم اتعينه

لولاك مجد الحضاره طــاح مــا قـامي=وما أحد ٍ عرف يفهم ادغامه وتنوينه

هاذي مشاعر غلاك ومصدر الهــامي=مجدٍ ابشوفه ومجد جاك بسنينه