يا وطنا طال عمرك على عزٍ وأمان = فيك هاجس حبنا منك يكبر من غلاك

بك صباحٍ وسع الصدر في ذاك الزمان = حدثونا عنه اجدادنا اللي في ثراك

المهلل بالذكر تاليٍ أول بيان = الحكم لله ومن ثم لمعزي عزاك

في قلوب الشعب بين الحنايا لك مكان = - ياذرانا – كلنا يوم ضيقاتك ذراك

حبنا خيلٍ تواثب لها الروح العنان = يا وطنا كل ما تملك يدينا فداك

ياوطنا بين الأوطان لك رفعه وشان = مهبطٍ للوحي والبيت في طاهر حماك

في حما الله ياوطنا على عز وضمان = الله اللي ظلل الدين في قبة سماك 

يا وطنا فيك دين الشريعه ما يهان=  الله اللي عن هل الرجس والفتنه حماك

ما يضام بك المواطن ولا يشكي الهوان =يا وطنا  ملحتك بالثارا شرب ماك

يا وطنا الحب بك والوفاء مثل الخوان = دونك الأرواح تنباع بيعٍ ما خفاك

لك نقدمها هدايا على روس السنان = مالنا حب وهوى غير يالغالي هواك

من ثراك نعفر أجباهنا عند الأذان = ماورى بك غير من هو على الشده ظماك

بك فهدنا بالحضاره كسب روح الرهان = بالعداله والعدل سيد الطوله كساك