فاح ريح المعاني فيك عطرٍ وطيب=والقصايد دخون المــجد في كل حال

مجدك الله وأكبر حاضرٍ ما يغيب=كنه اليوم ضربٍ مـن ضروب الخيال

أنت مجد السياسة وأنت سقم الحريب= وأنـــت روح الســـيادة ما بهذا جدال

أنت حكمك عجيب وأنت عدلك عجيب=وأنت لضعوف شعبك كلهم رأس مال

يا يقين العروبة فالزمان المريب= في مواقــفــك والله ما يضيق المجال

أنت لجروح وقتك والمصايب طبيب=مجد غـيرك حـرامٍ وأنت مجدك حلال

يا مخلص طليبٍ من مقاضب طليب=يا أبيض الـوجه مالك بالمواقف مثال

وسميٍ للخلايق كلها بك نصيب=مـــا يـــقوله ولـدكم قول كل الرجال

عند طيبك لقينا الطيب كله غريب=أنـــت كـــامـــــــل ولله العلي الكمال

طلبة الخلق يسمعها السميع المجيب=سلم الله راســـك يــــا محيل المحال

نمترض من مرضك وكلنا نستصيب=ونحمد الله يوم الشـر يا شيخ زال

همتك كبرتنا فالزمان العصيب=أنت ظــــلٍ ظليلٍ عن سموم الليال