كل مجد له على ماقال الأول فارسه = وكل عزٍ له على ما قال الأول ممن رعاه

يابلادي . فلي . البيرق لنا مستانسه = غطرفي في ظل شيخٍ حدك الأقصى حماه

وحدك الأدنى شهاب يشتعل به قابسه = يشهد التاريخ والشاهد بعد حيٍ قراه

  الرخا والأمن ظلك بالظروف العابسه = والسياسه بيتها مجدك وشيخانك ذراه

الحضاره شيدت بك من على ارضٍ يابسه = والبنا بك يا بلاد العز يشهد به ثراه

عزك أمعزي وعزك دفتر اسمك دراسه = يوم رسّى بالعداله في ميادينك بناه

كلما هبت هبوب بالبلاوي طامسه = جوك أصفا للعروبه من صفا نجد وصباه

كل نجم عاش مجد في سماك نلامسه = بك نطاول كل نجمٍ يا وطنا في سماه

مجدك اللي بالشريعه نهج حكمه غارسه = فيصليٍ يوم صبح ملك جدانه خذاه

والسياسه روحها في محبس امره حابسه = عزك الغالي فهدنا والفهد يكفي نباه

خادم البيتين والثالث وقف مع حارسه = دون شرذمة اليهود ودون جبروت الطغاه

الفهد ثوب الثناء هو والمدايح لا بسه = شيخنا شيخٍ تعصي في ميادينه عصاه

الوطن مجدٍ كبيرٍ حصنو متارسه = الله .. الله عز نابه واصلٍ به منتهاه