كل طيبٍ غريبٍ فوق رأسك وسامه= يا حجا الديره اللي بك رفيع ٍ علمها

تسلم عيونك الثنتين حب وكرامه =العيون البصيره جعلني ما أعدمهــا 

راس مال العروبة بالوفا والشهامه= المحبة من الشعب الكريــم استلمها

استلم حب شعبك يازعيم الزعامه=دعوةٍ مستــجابه  عنــد رب علمهــا

تسهر الليل الأسود دونهم ماتنامه =عينك اللي تسير بالعداله قدمها

أشر انك مبشر بالشفا والسلامه= قسمة ٍ لك ولي العرش ربي قسمها

كل ظلم ٍ بعدلك بدد الله ظلامه=وانور الحق في كل البلاد أبحرمها

يافهدنا خلقك الرب مرفوع هامه= تحتزم بالمكارم كلها وتحزمها

الحكم بك رفع رب الخلايق مقامه= حظ دارٍ بحكم الشرع راسك حكمها

أنت مجدٍ فصيح ٍ بالسياسة كلامه=واعترف لك بها قوم كبارٍ ذممها