موقع الأمير الشاعر عبدالعزيز بن سعود بن محمد آل سعود

جديد القصائد
جديد الأخبار

New Page 3
 

 
جديد الصور
 

 
جديد البطاقات
 

 
تغذيات RSS
 

فهد الامانة والأمين
1427-04-14 03:18 PM


يادارنا حناك من دم العدا لا تجزعين = مدي كفوفك للخضاب ونعطرك عطر الفعل
يا دارنا دار النبوه والرسل والمرسلين = بفعالنا يوم الوغي بنكحل عيونٍ نجل
دون المدينه والحرم متقاضبينٍ بالبدين = والله ما ينزل بها: اللي بحرمتها يخل
من دونها الكايد الى منا تحركنا يلين = كم خاينٍ يهومها وليا تذكرنا يذل
خادم بيوت الله فهد .. فهد الأمانه والأمين = إلى نقل فوق المتن بالمعضله جور الحمل
والشعب كله والعرب من دونها والمسلمين = تجهل على اللي بالحرم تسوقه اطماع الجهل
ارواحنا نصخيبها والله ولي الصالحين = ناقف ونثني للعدا في كل واردة السبل
الموت من دون الحرم نفوز به دنيا ودين = من شرب منا من حياض الموت ملزومٍ يعل
بأمانها تشهد لقايدها جميع المسلمين = اقولها تسمع بها كل القلوب اللي حبل
حنا حماةٍ للحرم من فضل رب العالمين = وانتم حماةٍ للفجر ياهل الدعايه والدجل
وانتم طغيتوا والطغى آخر مدار الظالمين = للبيد ربٍ يحفظه والمطّلب رب الابل
ومحمد الهادي البشير في معترك غزوة حنين = صفوان جاهد بالسيوف القاطعه هي والنبل
كل العرب بالخطه اللي دبروها خابرين = صدام هدام العرب كذاب وفعاله تدل
الدين من فعله بري أيضاً وفعل الخاينين = اللي تعقد بيننا ماهيب لا والله تحل
الغادر اللي بالغدر يقدح فتيل الآمنين = يجيبه يومٍ من هل التوحيد من روحه يمل

 


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


Powered by Dimofinf cms Version 3.0.0
Copyright© Dimensions Of Information Inc.