يـــا خـادم البيتين يــا زاك الأنســـاب=مـــا بين أبــــوك وبين جـدٍ وخالي

يـــا ســـيدي لقبتني شيــخ الألـقــاب= (شاعركم) وسامٍ على الـراس غالي

أعلـى وســــــام نعـلقه فوق الأرقاب=وســـام مـــن كفك عــــلى كل حالي

وســــــام ذات اللـب من ذات الألباب=أغلى مـــن الـــروح العزيزة ومالي

أبـا أفتخر بـه بين ربيعي والأصحاب=قــلدتـــــني بــه يــا بعــيــد المدالي

أي والـــذي نـزل تبـــارك والأحزاب=الـــــواحـــد العالي عـــزيز الجلالي

إن الشعـر مـــا لـذ عندي ولا طــاب=لا بـــــراس ٍ يــــرفع الــروس عالي

للشـــعـر في مجـــــدٍ بنيته مية باب=مجـــدٍ رفعنا فـــــوق طــــول الليالي

مـجدٍ بـغوه القوم عكفان الأشـــناب= ولا اســـــتـــوى إلا لك بـــمرٍ وحالي

يــا سيـدي من يومك بسـن عـــتّاب= خــــذت الــمراجل واحتميت التوالي

مـا قبلك أحدٍ بان فرقه وهو شـــاب= قــــولٍ شهــوده روس كل الرجالي

ليـاَ صاح صياح المشاكل والأنشاب=وتقــــاطعـوهــا من جنوب وشمالي

يبين في خصــــم ٍ تولاه مضـــراب= يموت مـــا حـــصل من الناس والي