روضة التنهات ما ينور سماها = قبل ما ينزل بها فهد العروبه

يوم رب البيت من فضله عطاها = مدلهمٍ بارقه ترعد نصوبه

في حمار العرق يضرب حد ماها = والسدر بيّن خضاره في جنوبه

رافعٍ ربي ببذله مستواها = روضة الحكام تلد العين صوبه

الله اللي بالفهد كمل هواها = منزلس نبت النوامي في دعوبه

نجد وفياضٍ بمرباعه حواها = دونها والفرق بينةٍ دروبه

فيضةٍ ترجي نزوله في حماها = يوم لبس الروض بالنوّار ثوبه

في رجا فهد العرب يكبر رجاها = علمٍ فضله عليهم من وجوبه

حاكمٍ بالعدل والكعبه حماها = هو حبيب الشعب كله ومحبوبه 

رأس قومٍ بالوفا يذري ذراها = فزعة رجالٍ من الوقت مغلوبه