يا والد الشعب لبيك وتطوعنا=دون الوطن ما غــــلا يـــا شيخ نصخي به


نداك يا سيدي نبه مسامعنا= ولـــبـــت لك قـــــلوبنا يــا زارع الهـــــيبه


في كل شبرٍ تحكمه من مرابعنا=وخــــدمــــــت مكة بــعــدلٍ شامـــلٍ طيبه


الحرب والموت والله ما يروعنا=علـــم عــــــدانا نهــار الكــــون تدري به


إيماننا اللي ندافع عنه دافعنا=والـــــموت عــــن ديننا هــذي مواجيبه


أجل ورا الله على الثانين رافعنا=صحـــــــيح رب الملا مــا يــنــعلم غيبه


در العقيدة غذانا من مراضعنا= مــــن وحــــــد الــرب يكفل له مطاليبه


اللي على نصرة المسلم يقاطعنا= إن جـــــاز وإلا فــــحــربه عاويٍ ذيبه


وإما ثرى دارنا الغالي يودعنا=وإلا كشفــــنا ستار الــــشك والـــريبه


ما أظن لقمة نهر دجلة بتشبعنا=ورى بــــــلاده لــنــا دارٍ نـــعشي به


يا سيد الدار ما تاقف مطامعنا=قــبـل العلم نسري الـنهرين تومي به


حب الوطن منبع نهوره مدامعنا=حبٍ رفــع رؤوسنا دايـــم نماري به


ما يوجع الدار وأهل الدار يوجعنا=والــذل والله مــا بــعـنا ونشري به


الشرع والسنة السمحة مراجعنا=ومن دونها ما عن العدوان تجنيبه


الله على كلمة التوحيد جامعنا=ونقوم الـدين والمسجد نصلي به


وقبلك مثل دارنا يا شيخ واسعنا=نعلــن ولانا وتصفى لك مشاريبه