مرت العشرين عنها ما درينا= كنها تالي طرف يومٍ وليله

كلما قلنا قضا الشغل ابتدينا=في مشاريع الحضارات الجميله

مجدنا من فضل ربي في يدينا=في ظلال الرايه الخضراء الظليله

اورقت بيماننا خضر السنينا=والسحاب من السما يصخي بسيله

عهد فهد المجد بالوسمي علينا=بالمناشي بارقه يلفح فضيله

دارنا قبلة صلاة المسلمينا=ومن يحج البيت مامونٍ سبيله

لو لفا حجاج حي ٍ ما يبينا=خدمته واجب على فرد وقبيله

لخدمة الحجاج دايم محرمينا=الوطن غالي وغالي من يجيله

طايعين ٍ للأوامر سامعينا= قلب واحد قايد الأمه دليله

الفهد عز الحكم طلق اليمينا= تعجز الخفرات ما تنجب مثيله