اشتعلت المشاعر بقصيدة في مقام مولاي خادم الحرمين الشريفين أيده الله بنصره وأمد في عمره

سقى الله روضة التنهات روضة كاسب الطولات=بسيلٍ في عروض العرق الأعلى بانت حدوده 


عليها  النو صلب وأستهل وفيّض   التنهات=حباها  الله  بسيلٍ بيّنٍ عند العرب زوده 


وعلى شوفه  بمنزالٍ نزل به  كبرت  الهقوات=يريفون العرب والقوم من فضله  ومن  جوده 


الى من حل بـارضٍ شاجرت لو انها  مضمات=ومن باكر  تشوف  السدر فيها مورقٍ عوده 


أبوفيصل  فهد  فهد العرب لاكبرت القالات=عواقب  راي سيد جملة الحكام محموده 


معه  رايٍ  حكيم  ٍ  يضبط  الأوضاع بالأزمات=تجارب   بيّناتٍ   والتجارب صادق  شهوده 


أبوفيصل  فهد  كل   العروبه عالي الهمات=نصره  الله  ونصره  من  فضل ربه ومعبوده 


بعدله  والوفا والطيب والله   كامل الشارات=مواقف سيدي لو تنحصي  ماهي   بمعدوده 


عقب ما أخضرت الفيضه وزان  البر  والطلعات=عسى  ربي  يهني راسه بقصده ومقصوده 


أقوله واعرف ان الطيب مايوخذ على المشهات=وهبه اللي فرق حد  الليال البيض عن سوده