تظاهر بحبي وأنت تكذب ماهوب أقصاك= تبــي تـدري أنِّــيْ ميِّـــتٍ بـك وتنسـاني

وأنا في غلاك أموت والعلم ما يخفاك=وقعت بهـواك ولا تصــوَّرت تجــفــاني

ضحك لي زماني بالغلا وضحكت دنياك=دعـاني لحبــك داعي ٍ عــنــك ينــهــاني

أحبك ولا والله هوجست في فرقاك=أبد قبل أشــــوف إنّكْ تمــادى بحرماني

على شان عز النفس ماهوب في يمناك=ولا هوب في عين ٍ على الحب تقصاني

أحبك ولكنِّي بعيدٍ عن معشّاك=وإلى خنـتني دوَّرت أنــا غــالي ٍ ثــاني

وإلى من تعثّر يا هوى خاطري مسعاك=وطيـتـك برجـلي قبـــل تمشي وتاطاني

عليّ إنِّيْ أشقا يا قضا واقعي برضاك=وعليك إنِّك تجدِّدْ هـــوى الحب وتفاني