عذِّبْ رعـــاك الله يـــا سمح الأقبال=ربي علـــى كــف الـغـلا لك  وضـــــعني

إن رحت بثياب الجفا البيض تختال=رحــب الفــضــا اللِّي  واسع ٍ مــا وسعني

غريب حب وشفت أنا منك الأهوال=هــــمّ ٍ   ينّــزلــني     وهـــمّ ٍ   رفـــعنـي

بعدك يضر الحال ويضَيِّقْ  البال=وقـربـك أبـد طــول  الــدهر  مــا نـفـعني

أتبعك راحل يا حبيبي ونزّال=حــــبٍ يــريضــني  وحــبٍ   دفــعــنــي

معك أنت درب الصبر يا صاحبي طال=    حــظٍ   يــقــربــني   وحــظٍ    مـنـعـنــي

راح العمر بين التصدِّدْ والإقبال=ومدري وش اللِّي يا هــوى البـــال تعني!

طب لي تطيب الحال يا طيِّبْ الفال=والاّ تكــرّم  حــب  غــيــري  ودعــنــي

أما استدار الوقت من حال لى حالّ =الاّ شـــريــتــك  كــل مــا قــلـت بعني

أسقيت من مرْ الصبر زهر الأمال= والحــظ بــك يا صـــاحبـي مــا جمعني

وقّفْتني في حدْ شمس ٍ من اظلال=عــصــيتني قبــــل أمـس وتقول طعني

ما والله أسمع شور ناصح وعذّال=وأنا إن شكـيت الحـــب مـــحدٍ سمعني