يومـك على حــبي لك العــام ولهـان=لاقلت هذا الدرب ما أنت تعصـاني

العـام قلبــي لك ربــيـع ٍ وبــستــــان=واليــوم مــالك في  ربيعـــه مكـاني

يا مجازي ٍ   خلّ ٍ  يودَّكْ بنــكـــران=يمّكْ ترى داعي  المفارق  دعــاني

ما عاد لك في مرتع الحب مـسكــان=حلّ بمحلّك مــن بغـيــت  وبغـــاني

تابع هوى اللَّي مثل شرواك خسران=أهـديك أنـا وقتٍ بحـبــك عطـــاني

ياليت  هاك  الوقت  بالحب  مـاكـان=وياليتـني طــاوعــت حيّ ٍ  نهــاني

أرخصت حبّكْ من بلا بيـع واثمــان=وأخذت  من  كف  الليالي  حنــاني

عوَّضنِيْ   الله  ناعــم  العــود فتَّـان= خلّ ٍ  هويـتــه  يوم  قلبــه  هـواني