آهات من طــول العنا طــاولتني=ونفـســـي مــــن الــفـــرقـا وحالي صخــيـفـة

 جارت عليّ من الفراق وقصتني=غــــزَتْ   ولكـــــن   مــــانوَتْ   بالـنـكـيـفه

 بهمومها اللِّي شفت منها  كوتني=هــذا  الـــذي  خـلّـي حـيــــاتي  مخيــــفــة

 باكر  يروعــنى وانا فيــه  فَتْنِيْ=أقـــول لـيت الغـــيـب يـبــخــل  بحــيــفـه

 خيل السعاده بالهوى  خالفـتـنـي=وخـالفـت معهـــا عــيــد قلبــي  وريفـــــه

 هبَّت ْ  هبوب ٍ بالنيا  عـطّشَتْنِـي=وكـــم غـــــالي ٍ قبلي ظمـــا مــن وليفــه

 ليت اللّيالي عن غرامي نهتنــي=ولا بـــدا زرع الأمــــل مــنـــك هيــفـــه

 وإلاّ  أنّها في غايتي   خيَّرتْنــيْ=وأختـــار أنــا مــربــاع قــلبـي وصيفــه 

 خلّ ٍ جيوشه بالمحبــة غزتنــي=وانـــا أسيــــرٍ للـــــعيـــون الـعـفيــفـــه

 أغلا هجوس ٍ طول الأيام جتني=هاك الهجـــــوس اللِّي تجينـــــي بطيفـه

 الماضيات بغيبهــا مــا انصفتني=والمــــقبـــلات أرجي عدَلْهــا خليفـــه    

 أتبع ظنون ٍ بالهوى مـا شفتنــي=أحــســب حمــولي بـــالـمـحـبّـةْ خفيفه

 واليـوم ظالمة  الـمـحـبه طـوَتْنِي=طي الــورق يــــوم انطوى به خريفه

 وأشباح ياسي بالهموم اعـترتني =وأنـــا عليّ أسبــــــاب  صدَّكْ كلــيفه

 أشيل حتفي راضي ٍ فوق  متني=وأروح نفســـي مــن  حيــاتي  معيفه

 وأقـول  للِّي  بالجفـــا  عــذّبَتْنِي=عســــى الشقـا مــن بـينـنا بـــالنصيفه

 شربت من فيض الشقا وأشبعتني=دنيــاً مع  الأحزان ضدِّيْ حـليفــه