يــا هـــل التوحــــــيد ورجال لوفا=يـــوم تــوحــيــد الـــوطن يومٍ كبير


كــل شــيءٍ نحـــمد الختالق صفى= مـــــا نـــقــصــنا لا قــلـيل ولا كثير


عـــقب هاك الوقت الأشهب والحفا=والجـــهـــل والظلم والشر والشرير


والــــعـــداوة فــي بلـــدنا والجفى=ودورة الأيـــام بـــالــمـــر المــــرير


حـــل شيخ الدار مــن صـبح ورفا=جــــــرح وقتٍ في جسد داره خطير


وحــول اللي في ظــهر نجد اردفا= نجــــد مـــركـــب حاكمٍ ماله خشير


يــرحـم الله رأس مـن عف وعفى= عــــن خطا اللـــي سلم بعقلٍ بصير 


حــــل وأثبت في هـل الرأي ونفى=وفي جموع أهل الفتن صاح النذير  


وشــــد مشرابٍ من الضيم انكفى=وأقـــعــده مـــليان من حلو الغدير


إن مشـــى فــي نجــد يهتز الشفا=ربـــطه بخــــــيوط عدلٍ من حرير


إن هـــفـــا مــيــزان غيره ما هفا=بـــالــعــدالة والـــعـــدل قر القرير


شــــــب نور الحكم والشر انطفى=والزمل ترغي عـــقب هاك الهدير


والفهـــــــد قاد المسيرة ليا ضفى= ثوب مجد الـــعدل واصبحنا بخير


والمــــــواطن من ندا الخير اكتفى= اكتفى اللي كــان مجهول المصير


فـــي ظـــلاله كــل مشموسٍ غفى=الله اللــــي خـــالــــقٍ راسه يجير


مــا علـــى الله يا أهل الطوله خفى= روســـنا به فوق والصاير يصير


مـــن عــطــــانا وجه ما يعطى قفا=نـخــوةٍ يكـــــبر بها قلب الصغير


ومــــوقـظ الفتـــنة يرقـــد بــالدفا=قــــبل عــــلمٍ شر يومه مستطير


الحكـــــم والــــدين والشرع احلفا=منهجٍ يجــبر بـــها العظم الكسير