إن ظميت أشرب من الياس أعذبه=يـا  وعودٍ     مالها   فرحه   وعيد

اكتشفت إن أعـذب الحـب أكـذبـه=إكْـذِبْ   أغلا  لك  ترى حبك يزيد

ما لحق   قلبي   بحبـك   مطلبــه=أنت  ناسيني  وأنا  راسي   عنيــد

تعب  كفي  مالقى   بك  مقضبـه=جيت   روح ٍ  مالها  خدٍّ    وجيــد

دورك  اللِّي  في  عذابي تلعـبــه=إنتهـى  التــمـثـيـل كلّه  لا  تعــيــد

ردْ   قلبي  بالهوى  لا  تنــهـبـه=خلْ  بـاقي   الــدم  يدمـع  بالوريـد

الوداد  اللِّي   بحبِّـيْ  تكســـبـه=إنـتـهــى  والصـبـر  لايمكن يفـيــد

كلّ شعر ٍ فيك  من قلب اكتبـه= ما يسـاوي  بالجفـا  بيت  القـصـيـد