ويــلاه من شــوف الشـعـر في جبينك=طــلايقـه   يوم  انتـثـر  قلت  جَنّـيْ

شفـتــك  ولكـن وين حظــي وويـنــك=وشفــت العيـون الساهيات وشجَنِّيْ           

ويوم التـوى بعض الشعــر في يمينـك= كل الحـلا اللِّي بـك غريـب وفتنِّـيْ

عـرش الهـوى خلقت له رموش عينك=عـكش ٍ  بحــربـة حبّهن  صــوّبَنِّيْ

عطْ قاصرات الــزين من زود زينـك=عـطهن ترى نصف المطالب تمنِّيْ

عمرك ينادي مامضى من   سنيـنـك=أيـام  عمرك  كنــهــن  يرجعــنِّــيْ          

عيني وقلبي والعـقـل  عاشــقــيـنــك=شفـتك وشفت الزود عن زود ظنِّيْ

وثِّقْ  عهود  الحــب بيني   وبـيـنــك= في مـعــركة حبّــك  عيونك  خذنِّيْ