غنّوا  معه خلّوه يطــرب وأنا أشــوف=الطـار مــن  يمــنـــاه  لا  تاخــذونـه

مشــاعري لـه دف واحلامي  كفــوف=يلعـب بها لعــب الورق في غصونه

كنّه  لحاله مـاقــضـــب غــيره دفـوف=يحـتج وشـهـــوده  عليـنـا  عيــونـه

رمشه على ورد الوجن يكتب حروف=لاسلهم بحــور العـيــون  الفـتـونـه

إن التفت لي شفــتـهـا منــه معــروف= وإن صدّ قلبي منه هاضت شجونه

بين الرجا  والشك  والحب  والخـوف=اللِّي  يبون  أهل  الهوى يفـعــلونه

ما صدّ عنِّيْ  هجر.. لاشك مكسـوف=أو  خاف  حسّاد  الملا  يجرحونه

أبي أمل  وأعطيه من وجدي ظروف= نفسي  تراها   بالغــرام  معــبونه