لا تقلب الصفحة على الذل والعار=ورؤوس العــــرب مـــن فضل ربي رفيعه


يا الملحد النازي عليك الدهر دار= وبـــاكـــر قــرار النــــصر الأكــــبر نذيعه


تحدثت بك كل نشرات الأخبار= وقـــامـــوا عــلــيــك مــقــومين الشريعه


وشهدو هل التوحيد في كل الأقطار=عــلــيــك يــا شــيــن الـفـعــل والطــبيعه


أنك عميل للخيانة وغدار=وأكـــــبــر دلــيــلٍ غـــارةٍ لك شــنــيـعه


شنيتها في الليل الأسود على الجار=تـــبـــي الــمـنـيـع ودون حــقـه مــنيعه


ما تدري إنا ما نساوم على الدار=ونــــاقـــف بـوجه أهل المكر والخديعه


ودون الوطن والدين نرخص بالأعمار= ولا حــمــيــّت الــقـــالات نــفــتك ريعه


دون الفهد نرمي أجثثنا على النار=يـــأمـــر أبـــو فــيــصـــل وحنا نطيعه


نذبح عميلٍ عال في خندق الغار=اللــي علـــى جـــاره رضــــا بالهزيعه


للجار يلزمنا بعد نأخذ الثأر= وتــاقــف خــيول أجدودنا في الطليعه


في غادر الجيران ما نأخذ اشوار= وشـــهــيلة حــدود السيوف الوريعه


نثني بها بوجيه عدوان وأشرار=مــــا نـــشـــــتري بتراب نجد ونبيعه


وين الرجال وين عشاقه الكار=فــــالشــعب كله\" كل شعبه جميعه


نبي نشوف اللي يسوون الأحرار= بغارة ضحى من فوق رأسه سريعه