الليل روّح والدموع أربع أربع =ياللعــجب منك وعليك ارجع اشكيك

ياما عليك العين بالدمع تدمع= ويامـا تصنّعْت الـرضا لجل اراضيك

وياما ترجيت الوصل وأنت تقطع=وخــانتني عيــــوني إلى حـلّ طاريك

قلها يكون الياس لي منك مقْنع= تعبَتْ عيـوني مــن رجــاك وتـرجيك

باكر يقولون العرب شمس تطلع=ولك يتضــح مــا اخفوه نـاس ٍ حواليك

الشاهد الله فيك ما اوحي ولا أسمع=ومــا اطيع نــاس ٍ يــاحبيبي حكوا فيك

غلاك عندي من غلا غيرك ارفع=وابعد من انجــوم السمــا كيف ماغليك!!

والله مامن حكم الأقدار مجزع=لــو راح عمــري بين حيــره وتشكيك

مالي بغيرك من هوى الغيد مطمع= مــاشــفــت بـالــدنيا جميــــل ٍ يحاليك