كل مجدٍ له على ما قال الأول فارسه=وكـــل عــــزٍ لـــــه على ما قال الأول من رعاه


يا بلادي ، فلي ، البيرق لنا مستانسه=غــطرفــي فـــــي ظل شيخٍ حدك الأقصى حماه


وحدك الأدني شهابٍ يشتعل به قابسه= يــشــهد الــتــاريــخ والشـــــاهد بعد حيٍ قراه


الرخا والأمن ظلك بالظروف العابسه=والســـيــاســـة بــيتــها مجدك وشيخانك ذراه


الحضارة شيدت بك من على أرض يابسه= والبــنا بــك يــا بـــلاد العـــز يــــشهد به ثراه


عزك أمعزي وعزك دفتر أمسك دارسه=يـــوم رسّــى بــالــعــدالة فـــي مــيادينك بناه


كلما هبّت هبوبٍ بالبلاوي طامسه=جـــوك أصفــا لـلعروبة من صفا نجد وصباه


كل نجمٍ عاش مجدٍ في سماك نلامسه=بــك نــطـاول كــل نـجــمٍ يــا وطنا في سماه


مجدك اللي بالشريعة نهج حكمه غارسه=فــيــصليٍ يـــوم صبــــح مـــلك جدانه خذاه


والسياسة روحها في محبس أمره حابسه=عــمـــي الغالـــي فهــــدنا والفهد يكفي بناه


خادم البيتين والثالث وقف مع حارسه=دون شرذمة اليهود ودون جبروت الطغاه


الفهد ثوب الثناء هو والمدايح لابسه= شيخــــــنا شيخٍ تعصي في معادينا عصاه


الوطن مجدٍ كبيرٍ حصنو متارسه=الله .. الله عــــزنا بـــــه واصلٍ به منتهاه