الأمل  ولعّ  بياسك  واحترق=والظنــــون بسكـة اهمومي تبارى

حالك اشوى بس حالي مافرق=في ظـلام السهد سامرت الحيارى

النجاة تواعد العين الغرق=والليالي البيض تضحك للسهارى

كلّما طيفك على عيني برق=قلــت ياستّــار يــاخــذني جـهارا

ليت صبحك في سما حبي شرق=لو اخيَّرْ مـــالي بغيــرك خيــارا

لا تخليني براس المفترق=   بيــن هــمّ وبيـــن غمّ وبين نارا

ودي إنِّيْ مثل حبّات العرق=     فــي جبينك تندي بعـــز ووقارا

قبل ما يطوي على الغصن الورق=احيني بالوصل ياسيد العـذارى