وش  فايدة  قولتك  ليته  وليته=كلّ  الغلا  قلنا عليـه   الســــلامي

من دفتري  لاشفت اسمك محيته= ماعاد لك طاري بصفحة غـرامي

العام لو إنِّكْ عطيت وخذيته=مـاكانت نهاية  غــلانا  خــصامي

عن هجرك وفرقاك قلبي نهيته= لاشــك  مــاطــاع  المولَّع  كلامي

من عقب ذاك الحب حبّك نسيته=ناظر عيـــــوني  كلّ  ليل ٍ  تنامي

قصر الغرام اللِّي لحبك بنيته= في المفترق راحت ركونه هدامي

وحكم القدر لك بالمفارق رضيته=آرَدْ  على  فرقاك  ورْد  الظوامي

ماجت  لك  الدنيا  على ما بغيته=والبعد  عنك  اليوم   غاية مرامي