كل الرجال اللي لهم بالوفا شان= يبون شـــــوف أبوي ما عاد به ريب


الناس تنشد كلها عن كحيلان=الطيب اللـــي بالكـــرم حــصل الطيب


يطيب طيب ما تصور ولا كان= شهودي عليه أهل الوفا والمواجيب


أبوي في شهب الليالي والأزمان= ليدين منكوب الـــــبــــرايا مقاضيب


نورٍ فضيلٍ شع من نور رحمن=أمكرمه رب الخـــــــلايق عن العيب


كم واحدٍ لاجاه ضايق وزعلان=مــــا راح منه إلا بصفو المشاريب


وبصوت واحد كلنا قلب ولسان= نـــدعي له اللـي يعلم السر والغيب


يمد في عمره ويجزاه بحسان= أبوي ذخـــــري بـالليال الشلاهيب