أهيّف يتل القلب بالرمش والعين=ومذهبٍ متعطفٍ في هضيمه

 وجهٍ عليه من الكرامه نياشين=كن المطالع في جبينه مقيمه

 إلى حكى يهدي لي العطف واللين=كن السوالف في شفاياه نيمه

 يشع نور الفضل بين الحجاجين=بعزٍ على طول الليالي وقيمه

 عليه عقدٍ من بهاء الحسن والزين=أعظم جمال الخلق حقه عظيمه

 خلٍ ملكني ملك حكم السلاطين=وبايعت حبه بالنوايا السليمه

 صديت أنا عن حب الأقصى والادنين=في شوفتي لـه كل يومٍ غنيمه

 ثمان مرت كنها ومض يومين=وإلا سنا البراق في وجه غيمه