لا بأس يا راع الوفاء والشهامه=مـــن حـــب نجد وحب أهل نجد حبوه


هذا يقدم لك غلاه وسلامه= يــــا أكــــرم كريمٍ طــول الأيام زاروه


بيدك الكريمة صافحتك الكرامه= يــــا بــــوي وا حــظ الذي مثلك أبوه


مجدك على هامات طيبك عمامه= العـــــز بسمك يا أبيض الوجه سموه


ما مثلك أحدٍ طيب رأسه غرامه=فعــــلٍ هـــل الطولات بالعين شافوه


في عينك اليمنى لطيبك علامه=وفي عينك اليسرى سقم كل مشبوه


على البخل عندك تقوم القيامه=مـــــن قبل أقوله قبلي الناس قالوه


شيخٍ على العليا رفيعٍ مقامه= لا حل ذكره قالوا سعود خلوه


خلو فنار الطيب غاية مرامه=مجد الجـدود اللي من العز جابوه


اسلم لنا يا بوي مرفوع هامه=سلامتــــك مــن كل شرٍ ومكروه