لا غاب ضج طويق شوقٍ لســلمان = والناس يكثر من غيابه زعــــلها

للدار سلمان المــــــواجيب عنـــوان = امير نجــــد ومجد نجدٍ واهلــــها

يزهر به العارض ورودٍ وريحـــان = ويصيح صيّاح الفياض بنفــــلها

سلمان سلمان الوفا فضل واحسـان = الكايدات المبحـــــله هو رجــــلها

لولاه خاطر نجد الامجــــاد ما زان = وحمر العروق اللي توارق عبلها

إلى سقاها الله من غر الامــــــــزان = لله مـــــا دورت دارٍ بــــــدلــــــها

المحتسب يجزاه مولاه غفـــــــــران = لوجه الله اعماله جميــــــع ٍ بذلها

محبته في خاطري عز وإيمــــــــان = والخلق ربي بالعقيــــده كفلـــــها

والدين دين الله على خمس الاركان = في موقفٍ تجزى النفوس بعملها

والدين دين الله ولا غيــــره اديــان = ومن جوّد احكام الشريعة عقلها

وحنا هل التوحيد والشــرع برهان = تلبس بنا الســـــــنه جدايد حللها

ورسالة الله للمــــــــــلا عالي الشان = لخـلق الله الهادي محمــــد حملها

من دونها نثني شبـــــابٍ وشــيبان = لو غليّت الارواح ترخص لجلها