أصيح من فرقاك وانته قبالي  =وشلون لا منّي توادعت وياك  

طيفك ينادمني بسود الليالي  =حبك صبغ في مهجة القلب ذكراك  

ألقاك دايم ماثلٍ في خيالي  =تغيب عني والتفت فيه والقاك  

مرٍ تعاتبني بحبٍ مضالي  =ومرٍ توسدني من الحب يمناك  

نذرٍ عليّ انك عزيزٍ وغالي  =وما فيه أحد عندي من البيض يسواك  

اعظم جمال الخلق بأول وتالي =امصوره رب الملا في محيّاك  

امفضلك ربي عزيز الجلالي =وزودٍ على هذا ترى الزين يزهاك  

والكلمه اللي قلتها ردها لي  =معنى السعادة بالغلا غاية ارضاك  

من حب غيرك قصر الأشواق خالي  =اسكن بقصر الحب واسعد بدنياك  

توافق ٍ بك حسن خلق ودلالي  =ولا بقا إلا قولة الله يرعاك