احفظ كرامة شوق منهو يودك = ولاتبدل سيرة الوصل بفراق


كل اعتبارات الزعل لا تردك = ما فيه قلب مايهوجس ويشتاق 


والدمعه اللي من على ورد خدك = اطلق رسنها كل ما خاطرك ضاق 


وظفاير طاحت على كف يدك = عامل جنون ثاير عطف باخلاق


سبحان من صور قوامك وقدك = الزين في غيرك غفى وانت بك فاق


الله عن تعذيب قلبي يصدك = وتصير عندي كل ما خاطرك راق


لو تنطق عيونك من الحب جدك = طارت بشاير فرحتي فوق الآفاق 


مره ملازيم المحبه تشدك = ومره  أخاوي قيس وأذوق ما ذاق