يا هاجسي مع طيفها لا تغامر =  البعد همه جور والشوق فتاك


ما شفتني مع قصة الحب سامر = في دفتر احلامي على كيفي أقراك


يا بهجة ايامي على عمري آمر = عسى الاوامر كلها من فداياك


يوم الوصل في تالي الوقت ضامر = اسباب والاسباب ما ظن تخفاك


قصر الغلا لك في خفا الروح عامر = حدايقه تزهر بها احلام دنياك


زينك لزين اللي بهالكون قامر = كن القمر في حضرتك من رعاياك


اضف الرموش السود فوق المجامر = والورده اللي حدرهن في طرف فاك 


في رمشك الساهي نواهي ووآمر =  تغري بها اللي نور دنياه رؤياك